ရွှေတောင်ဆိုတာ နေရောင်လရောင်လို မြန်ဆောင်တခိုမှာ ဆိုစရာသမိုင်းစတွေနဲ့ နှိုင်းမရတဲ့မြို့
စနစ် အဆက်ဆက် ခေတ်အဆက်ဆက်မှာ ရာဇ၀င်စာတွင်ခဲ့တဲ့မြို့၊ မြန်မာ့တွင်းထွက် ရွှေအနက်တွေ ထွက်တဲ့မြို့၊
နိုင်ငံတ၀ှန်း အလင်းဆောင်ဖို့ လျှပ်စစ်ဓါတ်အားပေး စက်ရုံရှိတဲ့မြို့ နိုင်ငံခြားထိ များပြားပို့ဆောင် ရွှေတောင် အထည် သတင်းကြွယ်တဲ့ စက်ရုံရှိတဲ့မြို့။
သမိုင်းဂုဏ်ရောင် ရွှေနတ်တောင်နှင့် ရွှေပြောင်ပြောင်၊ ရွှေဂူကြီး၊ ရွှေမျက်မှန်၊ ချမ်းသာကြီး စတဲ့ သမိုင်းဝင် တခိုးကြီးဘုရားများရှိတာကြောင့် ဘုရားဖူးတွေနဲ့စည်ကားတဲ့မြို့
ဓမ္မဒေသနာ ဘိဓမ္မာကို ၀ါတွင်းကာလ နာယူကြသည့် ဓမ္မတေးသံမြို့လုံးလျှံသည့်မြိစာပေအမွေ ကျက်သရေဆောင်မြို့ရွှေတောင်မှာ နေလိုလလိုထွန်းလင်းတောက်ပခဲ့တဲ့ စာဆိုရှင် အကျော်အမော်များ ပေါ်ထွန်းခဲ့တဲ့မြို့။
ကျီးသဲလေးထပ်ဆရာတော်
မြန်မာ့ဂန္တ၀င်တွင် ရွှေတောင်မြို့၏ ကျက်သရေဆောင် ကျီးသဲလေးထပ်ဆရာတော်ဘုရားကြီးကို တရားသူကြီး ခုံတော်ဦးအောင်မင်း၊ မယ်တော်ဒေါ်ဂျမ်းဘုံတို့မှ မြန်မာသက္ကရာဇ် ၁၁၇၉ ခုနှစ်၊ သတင်းကျွတ် လပြည့်ကျော် (၈)ရက်၊ (၂.၁၀.၁၈၁၇)ကြာသပတေးနေ့ နံနက်ဦး ရောက်ခြည်လာချိန်တွင် ရွှေတောင်မြို့၊ ကျီးသဲ၊ ရှမ်းတန်းလေးရပ်၌ မီးရှုးသန့်စင်ဖွားမြင်တော်မူသည်။
ဘဒ္ဒန္တ မုနိန္ဒာဘိဓဇ ပဏ္ဏိတဓဇ မုနိန္ဒာဃောသ မဟာဓမ္မရာဇာဂုရု ဘွဲ့တံဆိပ်တော်နှင့် သီရိပ၀ရ မဟာဓမ္မရာဇာဂုရု ဘွဲ့တံဆိပ်တော်နှစ်ထပ် (၁၂၄၃ ခုနှစ် သီပေါမင်းကပ်လှူသည့်) ရရှိသည့် ကျီးသဲလေးထပ် ဆရာတော်ကြီးဖြစ်ပါသည်။ မင်းကြီးမဟာမင်းလှမင်းခေါင်နော်ရထာဘွဲ့ခံ ၀န်ကြီးဦးမှုံ ဆောက်လုပ်လှူဒါန်း သော ကျီးသဲရွာ အရှေ့ဘက်ရှိ လေးထပ်ကျောင်းဆောင်ကြီးတွင် သတင်းသုံးသဖြင့် ကျီးသဲလေးထပ် ဆရာတော်ကြီး ဟုခေါ်တွင်ခဲ့ပါသည်။
လေးထပ်ဆရာတော်လောင်းလျှာ ဖွားမြင်ပြီး (၁)လသားအရွယ် နေ့လည်ပုခက်တွင်အိပ်နေစဉ် တော ကင်း(ကင်းခြေမျှား)ကြီး နှစ်ကောင် ပုခက်ပေါင်ပေါ်တွင် လှည့်ပတ်စောင့်ရှောက်သည်ကို တွေ့ကြရသည်။ မောင်းထုတ်သော်လည်း မသွားသဖြင့် ကြည့်နေကြရသည်။ ၄င်းကို အကြောင်းပြု၍ ငယ်နာမည် မောင်ကင်း ဟု မှည့်ခေါ်ခဲ့ကြည်သည်။ ဆရာတော်(၉)နှစ်သား အရွယ်တွင် ကျီးသဲ အရှေ့ဘက် တာ-၂၀၀ အကွာ ရွာသာရွာ၊ သစ်နီတော ကျောင်းတိုက် ဆရာတော်ဦးပညာသာမိထံ အပ်နှံပြီးပညာသင်ကြားစေပါသည်။ ၁၁)နှစ်သားအရွယ်၌ ကစ္စည်းကျမ်း၊ သင်္ဂဟကျမ်းများကို ကျွမ်းကျင်စွာတတ်မြောက်တော်မူသည်။ (၁၁)နှစ်သားအရွယ် ၁၁၉၃ ခု၊ ပထမ၀ါဆိုလပြည့် (၂၅.၆.၁၈၃၀)စနေနေ့တွင် ဦးပညာသာမိထံတွင် သာမဏေပြုတော်မူသည်။ ဘွဲ့တော်မှာ ရှင်မုနိန္ဒာ ဖြစ်ပါသည်။ ရှင်သာမဏေဘ၀တွင် သင်္ခေပသ၀ဏ္ဏနာကျမ်း၊ ကစ္စာယနသာရကျမ်း၊ ကန္တသာရကာ ကျမ်း၊ ဓါတုကလျာကျမ်းများကို အရွယ်နှင့်မလိုက်အောက် နှုတ်တက်ဆောင်နိုင်တော်မူသည်။ ထိုပြင် နိဒ္ဒေသ ပကရဏကျမ်း၊ မူလဗေဒကျမ်းတို့ကို သင်ယူတတ်မြောက်တော်မူသည်။
(၁၇)နှစ်သားအရွယ်တွင် ရွှေတောင်မြို့၊ မင်းတဲရပ်၊ ၀ိစိတ္တလင်္ကာ မဟာဓမ္မရာဇာဂုရု ပထမကျော် လင်္ကာဒီပဆရာတော်ထံ၌ အဘိဓမ္မာ(၇)ကျမ်း အဖွင့်ဖြစ်သော အဋ္ဌသာလီနိ အဋ္ဌကထာ သံမ္မောမာဝိနောဒနီ အဋ္ဌကထာအဘီဓမ္မာတ္တ၀ိဘာဝနီ နည်းနာများကို သင်ကြားတတ်မြောက်တော်မူပါသည်။ အသက်(၁၉)နှစ် (၆) လအရွယ် ၁၁၉၈ ခုနှစ်၊ တပေါင်းလပြည့် (၁၉.၂.၁၈၇၃)တွင် ရွှေတောင်မြို့ ဂိုဏ်းအုပ် ဆရာတော် အရှင် ကုမာရ ကို ဥပဇ္ဈယ်ပြု၍ ရဟန်းအဖြစ်သို့ရောက်ရှိတော်မူသည်။ ဘွဲ့အမည်မှာ ရှင်မုနိန္ဒာဘိဓဇ ပင်ဖြစ်ပါ သည်။
ကျီးသဲလေးထပ်ဆရာတော် ဟုထင်ပေါ်ကျော်ကြားခြင်း
လေးထပ်ကျောင်းတော်ကြီးတွင် ကျောင်းထိုင်သည်မှစ၍ ဆရာတော်ကြီး ပြုစုရေးသား သမျှ စာပေကဗျာ မေတ္တာစာဖြင့် ကျမ်းဟုသမျှတွင် (ကျီးသဲလေးထပ်ဆရာတော်) ဟု ကလောင်အမည်တပ် တော်မူပါသည်။ သတိုးဝန်ကြီး ဦးမှုန်၊ ဦးရန်ကင်းနှင့် ဒကာ၊ဒကာမများ လျှောက်ထားချက် အရ ထင်ရှားကျော် ကြားသောကျမ်းပေါင်းများစွာကို အချိန်ပေး၍ ရေးသားပြုစုခဲ့ရာ ကျမ်းပေါင်း (၃၇)ထိဖြစ်ပါသည်။
အကျော်ကြားဆုံးကျမ်း
ဆရာတော်ကြီးရေးသားခဲ့သည့် (ဇိနတ္တပကာသနီ) ကျမ်းသည် အကျော် ကြားဆုံးကျမ်းဖြစ်ပါသည်။ ဗုဒ္ဓ၀င်ကျမ်းများထဲတွင် ထင်ရှားကျော်ကြားဆုံး ကျမ်းဖြစ်ပါသည် (ဆရာတော်ဘုရားကြီး ဘ၀နတ်ထံပျံလွန်တော်မူချိန်) ၁၂၅၆ ခုနှစ်၊ သတင်းကျွတ်လကွယ်နေ့ (၂၇.၁၀.၁၈၉၄)စနေ့နေ့ည (၄)နာရီ အချိန် သက်တော် (၇၇)နှစ်၊ ၀ါတော်(၅၇)၀ါမြောက်တွင် ဆရာတော်ဘုရားကြီး ဘ၀နတ်ထံပျံလွန်တော်မူခဲ့ပါသည်။ ဆရာတော်ဘုရားကြီး နောက်ဆုံး ရေးသားခဲ့သည့် ကျမ်းမှာ မနောရထပူရဏီ မည်သောကျမ်းဖြစ် ပါသည်။ ဆရာတော်ဘုရားကြီး၏ ကြွင်းကျန်သော အရိုးတော်များကို ရွှေတောင်ဗိုလ်ရုံ သီလရှင်ကျောင်းတိုက် အတွင်းကိုးကွယ်ထားရာ ယခုနှစ်ပေါင်း(၁၁၈)နှစ်ရှိခဲ့ပါသည်။ နှစ်(၁၀၀)ပြည့်ချိန်မှစ၍ သီတင်းကျွတ်လကွယ် နေ့တိုင်း ရဟန်းသံဃာများနှင့် သီလရှင်များပူဇော်ပွဲပြုလုပ်ကြသည်မှာ ယနေ့ထိတိုင်ဖြစ်ပါသည်။
ရွှေတောင်မြို့ဝင် တည်ကုန်းရပ်တွင် အမှတ်(၉)၊မြောက်ဘုရားကြီးလမ်း၊ ယွန်းတန်းရပ်ကွက်၊ ဦးဝိုင်းတင်+ဒေါ်တင်တင်သန်း (ရွှေနင်္ဂါး-အထည်စက်) မိသားစုမှ ဆရာတော်ကြီး၏ ပုံတူရုပ်ထုအား ဂုဏ်ပြုပူ ဇော်ထားသည်ကို တွေ့မြင်ဖူးတွေ့နိုင်မည် ဖြစ်ပါသည်။
ပကာသနီ၊ ဂုဏ်စွမ်းရည်ကို
ကျမ်းသိပူဇော်၊ ဆရာတော်မှာ
ကျီးသဲနယ်ဖွား၊ ရွှေတောင်သား။
ဗန်းမော်ဆရာတော်
ဗန်းမော်ဆရာတော်သည် သက္ကရာဇ် ၁၁၈၆ ခုနှစ်တွင် ရွှေတောင်မြို့၊ ကွမ်းညှပ်စင်ရွာ၌ ဖွားမြင်ပါ သည်။ ငယ်မည်မှာ မောင်ဖြူဝင်း ဖြစ်ပါသည်။ ရဟန်းဘွဲ့မှာ ဦးပဏ္ဏိတ ဖြစ်ပါသည်။ မင်းတုန်းမင်းတရား ကြီးက ပဏ္ဏိတ၀ံသာ ဘိဓဇ မဟာဓမ္မရာဇာ ဓိရာဇာဂုရုဘွဲ့တံဆိပ်တော်ကို ဆပ်ကပ်လှူဒါန်းခဲ့ပါသည်။ ဘိုးတော်ဘုရားလက်ထက် ဘိုးတော်မင်းတရားကြီး၏ မိဘုရားဝေသာလီမင်းသမီး (ဗန်းမော်မြို့စား) ဥပေါတရာ ဆောက်လုပ်လှူဒါန်းသော ဗန်မော်ကျောင်းတိုက် တွင်သီတင်းသုံးသောကြောင့် ဗန်းမော်ဆရာ တော်ဟုခေါ်တွင်ပါသည်။
ပုံပြင်ထဲကရာဇ၀င်ဝယ်
စတင်ဖွယ်ထူးတဲ့ဆရာတော်
ဗန်းမော်အကျော်နေရောင်အလား
ရွှေတောင်မှာဖွားပါတဲ့
တတ်သိတဲ့ဆရာတော်။
သခင်ကိုယ်တော်မှိုင်း
သခင်ကိုယ်တော်မှိုင်းအား ပြညခရိုင် ရွှေတောင်မြို့နယ် ဝါးလယ်ကျေးရွာတွင် လှည်းသမားတစ်ဦး ဖြစ်သူ အဖ ဦးစံထွန်း၊ အမိဒေါ်အုန်းတို့ ၁၂၃၇ခု တပေါင်းလပြည့်ကျော် (၁၄)ရက်၊ (၁၈၇၆ မတ်လ၂၃ရက်) ကြာသပတေးနေ့၌ ဖွားမြင်ခဲ့ပြီး ငယ်မည်မှာ မောင်လွန်းဖြစ်သည်။ မိခင်ဒေါ်အုန်းသည် အိမ်တွင်းလုပ်ငန်းများကို လုပ်ကိုင်ရင်း သားဖြစ်သူမောင်လွန်း အား စာရေး စာဖတ်သင်ကြားပေးခဲ့သည်။ ထို့နောက်မိဘများမှ ရွှေတောင်မြို့ ကျီးသဲလေးထပ် ဆရာတော်ဘုရားကြီး ထံတွင်အပ်နှံပြီး ပညာသင်စေသည်။ မောင်လွန်းသည်ကျောင်းသားဘဝမှာပင် အတွင်းအောင်ခြင်း၊ အပြင်အောင်ခြင်း၊ ရတနာရွှေချိုင့်၊ ပရိတ်ကြီး၊ သဒ္ဒါသဂြိုဟ် စသည်တို့ကို သင်ကြားတတ်မြောက်ခဲ့သည်။
မောင်လွန်းသည်ကျောင်းသားဘဝတွင် ရွှေတောင်မြို့၌သာနေခဲ့သည် မဟုတ် မိခင်ဖြစ်သူ၏မောင် ဦးရီးရဟန်းတော်နှင့် အညာဒေသ များသို့ လိုက်ပါရင်း ပညာသင်ယူခဲ့သည်။ သို့သော် နေရပ်ပြန်ရောက် ချိန်တွင် ကျီးသဲလေးထပ်ဆရာတော်ဘုရားကြီး ထံတွင်သာ စာသင်သွားလေ့ ရှိသည်။ တခါတွင် မောင်လွန်းသည် ဦးရီးရဟန်းနှင့်အတူ မန္တလေးမြို့ မြတောင်တိုက်၌ ရှိနေစဉ် သီပေါမင်းအား အင်္ဂလိပ်တို့ ခေါ်ဆောင်သွားသည့် ပါတော်မူအရေးအခင်းကြီးနှင့် ကြုံကြိုက်ခဲ့သည်။ ၁၀နှစ်အရွယ်ရှိပြီဖြစ်သောကြောင့် အမျိုးနှင့်နိုင်ငံအတွက် နာရကောင်းမှန်းသိကာအခဲမကျေရှိခဲ့သည်။
ယင်းနောက်ရှင်သာမဏေဝတ်ကာ အလုံ၊ မုံရွာ၊ ချောင်းဦး၊ ဘုတလင်စသော အထက်အညာတခွင် ၌လည်းကောင်း ကျီးသဲလေးထပ်ဆရာတော် ဘုရားကြီးထံ၌ လည်းကောင်း ပညာများဆည်းပူးနေခဲ့သည်။ အသက်၁၉နှစ်အရွယ်တွင် ဖခင်ဦးစံထွန်းကွယ်လွန် သွားပြီး မရှေးမနှောင်းပင် ကျီးသဲလေးထပ် ဆရာတော်ဘုရားကြီးပါ ပျံလွန်တော်မူ သွားခဲ့သည်။ ထို့ကြောင့် လူထွက်ကာ မိခင်မုဆိုးမကြီးအား လုပ်ကျွေးမွေးမြူရန် ကြိုးစားရင်း ရန်ကုန်သို့ ရောက်ရှိလာခဲ့သည်။
စာစီသမားဘဝ
ရန်ကုန်သို့ရောက်ရှိပြီးနောက် ဆူးလေဘုရားလမ်း ဇမ္ဖူ့ကြက်သရေ စာပုံနှိပ်တိုက်၌ စာစီသမားအဖြစ် ဝင်ရောက်လုပ်ကိုင်သည်။ ထိုအခါက ထိုတိုက်၌ အယ်ဒီတာ ဆရာကြန်၊ တောင်လုံးပြန်ဆရာမြ၊ လင်းလွန်းပင် ဆရာတော်လူထွက် ဆရာဦးပန်းလှိုင်တို့ ရှိနေကြသည်။ မောင်လွန်းသည် အရည်အချင်းရှိသူဖြစ်သည့်အတိုင်း စာစီသမားဘဝမှ စာပြင်ဆရာ၊ အယ်ဒီတာကလေးဘဝ သို့မကြာမီအတွင်းမှာပင် တိုးတက်ရောက်ရှိ လာခဲ့သည်။ ပုံနှိပ်တိုက်ပိုင်ရှင် ဦးမောင်မောင်ခနှင့် ဒေါ်မမ လေးတို့ကလည်း မောင်လွန်းအား အလွန်ပင် ချစ်ခင်ကြသည်။
ပြဇာတ်ဆရာလွမ်း
ထိုအချိန်က နှစ်ပဲတန်ပြဇာတ်လွန်စွာ ခေတ်စားသောကြောင့် ပြဇာတ်စာအုပ်အများအပြားကို အားစိုက်ရေးသားခဲ့သည်။ ထိုစဉ်က အပျော်ဖတ် ဇာတ်စာအုပ်များ ပလူပျံအောင်ထွက်နေခဲ့ပြီး ကိုယ်တိုင်ရေးသာရေးသော်ငြား မနှစ်မြို့လှသောကြောင့် "အသုံးမကျသော ဇာတ်စာအုပ်"ဟု ရေးသားခဲ့ဖူးသည်။ ထို့အပြင် ရေးသား ခဲ့သောပြဇာတ်များအားလုံးမှာ ကိုယ်တိုင်ရေးမဟုတ်ပဲ ဇတ်သဘင်စင်ထက်မှ လာသောဇာတ်များသာ ဖြစ်သည်ကတစ်ကြောင်း၊ ဆရာသမားများ၏ ဂုဏ်သိက္ခာများ ကိုထိခိုက်မည် စိုးသည်ကတစ်ကြောင်း အမည်ရင်းဖြင့်မရေးပဲ ရွှေတောင်မောင်လွမ်း ဟူသောအမည်ကို အသုံးပြုခဲ့သည်။ရေးသားခဲ့သော ပြဇာတ်စာအုပ်ပေါင်း ၈၀ခန့်ရှိမည်ဟု ခန့်မှန်းကြသည်။
အိမ်ထောင်ရေး
ဇမ္ဗူ့ကြက်သရေပုံနှိပ်တိုက်၌ အလုပ်လုပ်ကိုင်နေစဉ်မှာပင် တိုက်ပိုင် ဦးမောင်မောင်ခနှင့် ဒေါ်မမလေးတို့က ကြည့်မြင်တိုင်သူ ဒေါ်ရှင်နှင့် အိမ်ထောင်ချပေးခဲ့သည်။ ၁၂၇၇ခု အသက်၄၀အရွယ်၌ ဇနီးဒေါ်ရှင် ကွယ်လွန်ကာ သားသမီးလေးဦး ကျန်ရစ်ခဲ့သည်။ ၁၉၂၃-ခုနှစ်၊ နိုဝင်ဘာလ(၁၀)ရက်နေ့၌ သမီးကြီး ဒေါ်မြရီသည် စာရေးဆရာ ဆရာဇေယျ နှင့် အိမ်ထောင် ပြုခဲ့သည်။
သတင်းစာဆရာဘဝ
ဇမ္ဗူ့ကြက်သရေပုံနှိပ်တိုက်အား အစုစပ်လိမိတက် သတင်းစာတိုက်လုပ်လိုက်ပြီးနောက် မကြာမီ ပုဏ္ဏားဦးဘဘေ ဆိုသူပိုင်ရှင် ဖြစ်လာခဲ့သည်။ လုပ်ငန်းတိုးတက်မှု မရှိသည့်အပြင် လခလည်းမမှန်၊ ဆရာရင်းများလည်း မရှိတော့သဖြင့် ရန်ကုန်သတင်းစာတိုက်သို့ ပြောင်းရွှေ့ အလုပ်လုပ်ခဲ့သည်။ ထိုတိုက်တွင် ဆရာလွန်းကမြန် မာစာအယ်ဒီတာ အဖြစ်လုပ်ကိုင်ရသည်။ စာတော်ပြန်အလုပ် ရသော်လည်း အလုပ်ပဲ ငြင်းပယ်ခဲ့သည်။ ရန်ကုန်တိုင်း သတင်းစာ ဆုတ်ယုတ်လာသောအခါ မော်လမြိုင် သို့ပြောင်းကာ မြန်မာတိုင်းသတင်းစာ၌ အယ်ဒီတာ အဖြစ်လုပ်ကိုင်သည်။ မောင်သမာဓိအမည်ဖြင့် ဆောင်းပါးများရေးသားခဲ့သော်လည်း နိုင်ငံရေးဘက်သို့ မျက်နှာမမူသေးပေ။ ဇနီးသည် မမာမကျန်း ဖြစ်ခြင်းကြောင့် မော်လမြိုင်သတင်းစာတိုက်မှ နှုတ်ထွက်ကာ ရွှေတောင်၌ ခေတ္တပြန်နေခဲ့သည်။ ၁၉၁၁သူရိယသတင်းစာ ကိုစတင်တည်ထောင်ကြရာတွင် ဆရာလွန်းကို ခေါ်ယူသဖြင့် ဝင်ရောက် လုပ်ကိုင်ခဲ့ပြန်သည်။ ထိုအခါ ဆရာလွန်း၏ ကိန်းအောင်းနေခဲ့သော ဇာတိမာန်များရှင်သန်ကြီး ထွားကာ မျိုးချစ်စာပေများ၊ နယ်ချဲ့ဆန့်ကျင်ရေးစာပေများ စတင်ရေးသားခဲ့သည်။
ချဉ်ပေါင်ရွက်သည်မောင်မှိုင်း နှင့် မစ္စတာမောင်မှိုင်း
သက္ကရာဇ်၁၉၀၀ကျော်ခန့် မှစ၍မြန်မာ ပညာတတ်အချို့သည် မစ္စတာဆိုသည့် အသုံးအနှုံးအား မိမိတို့မြန်မာအမည်များ ရှေ့တွင်တပ်၍ ခေါ်ဝေါ် ကြသည်။ ထို ခေတ်ဗုဒ္ဓဘာသာ ကလျာဏရုဝ အသင်း၏ခေါင်းဆောင်များဖြစ်ကြသော ဦးမေအောင်၊ ဦးခင်စသည်တို့သည် မစ္စတာမေအောင်၊ မစ္စတာခင် စသည်ဖြင့် ခေါ်ဝေါ် သုံးစွဲကြသည်။ အသင်းအစည်းအဝေး မှတ်တမ်များတွင် မစ္စတာမေအောင်မှ အဆိုတင်သွင်းပြီး မစ္စတာခင်မှကန့်ကွက် ဟု ရေးမှတ်ကြသည်ဟု ဆိုသည်။ သခင်ကိုယ်တော်မှိုင်းသည် ထိုအပြုအမူများကိုမြင်သောအခါ လုံးဝနှစ်သက်ခြင်းမရှိ မြန်မာ့ ယဉ်ကျေးမှုနှင့် ဆန်ကျင်သည့်အပြင် လွတ်လပ်ရေး ကြိုးပမ်းမှုနှင့်လည်း ဆန့်ကျင်သည်ဟု ယူဆသည်။
၁၉၀၄ဝန်ကျင်ခန့်က ပြင်သစ်စာရေးဆရာ ဒူးမားရေးသားသောThe Count of Monte Cristoဝတ္ထုကို ဂျိမ်းလှကျော်က မောင်ရင်မောင် မမယ်မ ဟူ၍ဆီလျော် အောင်ဘာသာပြန်ထုတ်ဝေခဲ့ပြီး လွန်စွာရေပန်းစားခဲ့သည်။ ဟံသာဝတီပိဋကတ်တိုက် ပိုင်ရှင် မစ္စတာရစ်ပလီဆိုသူသည် အားကျကာ ဝန်စာရေးဟောင်း ဦးကြီး အားအများကြိုက်မည့် ဝတ္ထုတပုဒ်ကို ရေးသားစေသည်။ ဦးကြီးသည် ချဉ်ပေါင်ရွက်သည် မောင်မှိုင်းဝတ္တုကို ရေးသားပေးရာ ၁၉၀၄ခုနှစ်တွင် ပထမတွဲကိုထုတ် ဝေနိုင်ခဲ့သည်။ ချဉ်ပေါင်ရွက်သည် မောင်မှိုင်းသည် ဇာတ်လမ်းအရ အလွန်ယုတ်မာကောက်ကျစ်လှသော လူရှုတ်လူပွေတစ်ဦးဖြစ်ပြီး အမျိုးကောင်းသမီးများအား လှည့်ဖြားကာ ဥစ္စာပစ္စည်းတို့အား ယူငင်သည်။ ထိုခေတ်ကာလက လူကြီးများသည် ထိုဝတ္ထုကို ယုတ်မာညစ်ညမ်းသော ဝတ္ထုအဖြစ်မှတ်ယူပြီး လူငယ်များအား မဖတ်ရန် တားမြစ်ခဲ့ကြသည်။ ဖတ်ရှုလိုသူ လူငယ်အချို့သည် ထိုဝတ္ထုကို အိမ်သာအတွင်း ယူငင်၍ဖတ်ရှုခဲ့ရသည်ဟူ ဆိုသည်။
ထို့ကြောင့်လည်း သခင်ကိုယ်တော်မှိုင်သည် မောင်မှိုင်းအမည်ရှေ့တွင် မစ္စတာတပ်၍ သုံးစွဲလိုက်ရာ ဦးမေအောင်တို့လူစု မခံမရပ်နိုင်အောင် ဖြစ်ခဲ့ကြရသည်။ ပြန်လည်ရန်တွေ့ကြသလို သတင်းစာမှလည်းပြန်လည် ချေပရေးသားကြသည်။ သို့သော် သခင်ကိုယ်တော်မှိုင်းကား မဖြုံ ထိုအမည်ဖြင့် ဆောင်းပါး၊ ကဗျာများကို အစဉ်တစိုက် ဆက်ရေးသွားရာ တစ်နှစ်ခန့်အကြာတွင် ဦးမေအောင်နှင့်တကွ မစ္စတာတပ်သူအပေါင်းသည် မစ္စတာဘဝမှ အနားယူသွားကြရလေသည်။
အမျိုးသားကောလိပ်ကျောင်းဆရာဘဝ
၁၉၂၀တွင် ရန်ကုန်ယူနီဗာစီတီ အက်ဥပဒေကို ဆန့်ကျင်သပိတ်မှောက်ကြသော ကျောင်းသားတစ်စုမှ ရန်ကုန်မြို့ ဗဟန်းရပ်ကွက်ရှိ ကျောင်းတိုက် တစ်တိုက်တွင် အမျိုးသားကောလိပ်ကျောင်း အားစတင်တည်ထောင်ကြသည်။ ထိုအချိန်တွင် မစ္စတာမောင်မှိုင်းအမည်ဖြင့် စာပေလောက၌ ထင်ရှားပြီး ဖြစ်သော ဆရာဦးလွန်း သူရိယသတင်းစာတိုက်မှထွက်ကာ ဝင်ရောက်ဆောင်ရွက်ပေးသည်။ ကနဦးတွင် မြန်မာစာ ပါမောက္ခဖြစ်ပြီး နောက်ပိုင်းတွင် မြန်မာရာဇဝင်ပြောင်း၍ သင်ကြားသည်။ သို့ရာတွင် အမျိုးသားကောလိပ်မှာ အမျိုးသားပညာရေး ကောင်စီ၏ အထောက်အပံ့မရသဖြင့် ဆက်လက် ရပ်တည်ရန် ခက်ခဲလာပြီး နောက်ဆုံးတွင်ကောလိပ်ကို ပိတ်ခဲ့ရသည်။
မစ္စတာမောင်မှိုင်းမှသည် သခင်ကိုယ်တော်မှိုင်းသို့
သခင်ကိုယ်တော်မှိုင်းသည် ၁၉၃၄ခုနှစ်တွင် ပါတီသစ်တစ်ရပ်အနေဖြင့် ထင်ရှားလာသော တို့ဗမာအစည်းအရုံးကို သူ၏သြဇာတိက္ကမနှင့် ဝင်ရောက် အားပေးကူညီရာ ၁၉၃၆တွင် နာယကဖြစ်လာခဲ့သည်။ ထိုအခါတို့ဗမာအစည်းအရုံးဝင်များ၏ ဓလေ့ကိုလိုက်၍ မိမိကိုယ်တိုင် သခင်အမည်ကို ခံယူသည်။ ထိုအချိန်မှစကာ သခင်ကိုယ်တော်မှိုင်းဟူသော အမည်အား ကွယ်လွန်သည်အထိ အသုံးပြုသွားခဲ့သည်။ သခင်ကိုယ်တော်မှိုင်းသည် တို့ဗမာအစည်းအရုံးဝင် ခေတ်လူငယ်များ၏ အလုပ်လုပ်ပုံကို သ ဘောကျပြီး အကြံဥာဏ်များနှင့် အာပေးအားမြှောက် ပြုခဲ့ရာ ထိုလူငယ်များအနက် ဗိုလ်ချုပ်အောင်ဆန်းဖြစ်လာမည့် သခင်အောင်ဆန်း၊ မြန်မာပြည်ဝန်ကြီးချုပ် ဖြစ်လာမည့် သခင်နုတို့ပါဝင်ကြသည်။
ပြည်တွင်းငြိမ်းချမ်းရေး ဆောင်ရွက်ချက်များ
သခင်ကိုယ်တော်မှိုင်းသည် မြန်မာနိုင်ငံ လွတ်လပ်ရေးရအပြီး ပြည်တွင်းစစ်ကြီး မဖြစ်ပွါးရန် အမျိုးမျိုးကြိုးစားခဲ့သည်။ ၄င်းနောက် ပြည်တွင်စစ်ကြီး ဖြစ်ပွါပြီး ရက်သတ္တပတ် အကြာတွင် ငြိမ်းချမ်းရေး ပြန်လည်တည်ဆောက်ရန် ရည်ရွယ်ချက်ဖြင့် တို့ဗမာအစည်းအရုံးကို ပြန်လည်ဖွဲ့စည်းခဲ့သည်။ ၁၉၄၈ စက်တင်ဘာ၁၄ရက် နေ့တွင် ရွှေတိဂုံစေတီတော် တောင်ဘက်စောင်းတန်း သခင်စံထွန်းလှဇရပ်၌ အဖွဲ့အစည်း ပေါင်းစုံကိုယ်စားလှယ်များ၏ အစည်းအဝေးတစ်ရပ် ကျင်းပြပြုလုပ်ပြီး ၁၇ဦးကော်မတီ နိုင်ငံတော်အေးချမ်းသာယာရေး အဖွဲ့ကို ဖွဲ့စည်းခဲ့သည်။
၁၉၄၈ဒီဇင်ဘာ ၂၅ရက်နေ့တွင် ရွှေတိဂုံစေတီတောင် ရာဟုဒေါင့် သံတန်ဆောင်းကြီး၌ ရန်ကုန်မြို့ပေါ်ရှိ ကျောင်းတိုက်ပေါင်း၁၀၀ကျော်မှ ဆရာတော်၃၀၀၀ခန့်၊ အခြားဘာသာပေါင်းစုံ၊ ဂိုဏ်းပေါင်းစုံမှ ခေါင်းဆောင်များနှင့် လူထုပရိတ်သတ် ၂၀၀၀ကျော်တက်ရောက်သော ပြည်တွင်းငြိမ်းချမ်းရေး စည်းဝေးပွဲကြီးအားဦးစီး ကျင်းပခဲ့သည်။ ထို့နောက် ၁၉၅၁ခုနှစ်တွင် ပြည့်သူ့ငြိမ်းချမ်းရေး အဖွဲ့ပေါင်းစုံ(People's Peace Front) ကိုဖွဲ့စည်းခဲ့ပြန်သည်။
၁၉၅၂ခုနှစ် မေလ ၁၀ရက်မှ ၁၄ရက်ထိ ဂျူဗလီဟောတွင် ကျင်းပပြုလုပ်ခဲ့သော ကမ္ဘာ့ငြိမ်းချမ်းရေး ကွန်ဂရက်(ဗမာနိုင်ငံ)၏ ပြည်လုံးကျွတ် ညီလာခံစင်မြင့်ပေါ်မှ ပြည်တွင်းစစ်ရပ်စဲရေးနှင့် ငြိမ်းချမ်းရေး ဆုံးဖြတ်ချက်များ ချမှတ်ပြီး မေလ၁၀ရက်နေ့တွင် ပြည်တွင်းစစ်ရပ်စဲရန် ပန်ကြားလွှာကို ထုတ်ပြန်ခဲ့သည်။ ၄င်းနောက် ၁၉၅၆ခုနှစ် ဖေဖေါ်ဝါရီလ၂၇ရက်နေ့မှ မတ်လကုန်အထိ အထက်မြန်မာပြည်တလွှားသို့ လှည့်လည်၍ ပြည်တွင်း ငြိမ်းချမ်းရေး တရားများ လိုက်လံဟောပြောခဲ့သည်။ မတ်လ၃၁ရက်နေ့တွင် မန္တလေးအိမ်တော်ရာဘုရား ၁၄ခန်းဇရပ်ကြီး၌ လေးပြင်လေးရပ် ဆရာတော် ၁၄၃ပါးကို ပြည်တွင်းငြိမ်းချမ်းရေးပန်ကြးလွှာတစ်စောင် တင်ဆက်လျှောက်ထားပြီး သြဝါဒခံယူခဲ့သည်။
ထို့နောက်ပြည်တွင်းငြိမ်းချမ်းရေး ၈ဦးကော်မတီအားဖွဲ့စည်း၍ ၁၉၅၈ခုနှစ် မတ်လ၂၈ရက်နေ့တွင် တပြည်လုံးရှိ ခရိုင်မြို့နယ် အသီသီး၌ တပြိုင်နက် ဆန္ဒပြပွဲများ ပြုလုပ်ခဲ့ကြသည်။ သို့သော်၁၉၅၈တွင် အာဏာလွှဲပြောင်းမှုကြီး ပေါ်ပေါက်ခဲ့ပြီး ၈ဦးကော်မတီအား ဖျက်သိမ်းပေးခဲ့ ရသည်။ ၁၉၆၀ အရောက်တွင် ပြည်တွင်းငြိမ်းချမ်း ရေးနှိုးဆော်ရေးအဖွဲ့အား ထပ်မံဖွဲ့စည်းခဲ့ပြီး အမျိုးသားပြန်လည်စည်းလုံးညီညွတ်ရေးနှင့် သင်ပုန်းချေရေးတို့ အတွက် စွမ်းစွမ်းတမံဆောင်ရွက်ခဲ့သည်။
ကမ္ဘာလှည့် ငြိမ်းချမ်းရေးခရီးသည်
ကမ္ဘာ့ငြိမ်းချမ်းရေး ကွန်ဂရက်(ဗမာနိုင်ငံ)၏ ဥက္ကဋ္ဌကြီးအဖြစ် တညီတညွတ်တင်မြှောက်ခြင်း ခံရပြီးနောက် ကမ္ဘာ့နိုင်ငံအများအပြားသို့ လှည့်လည် ခဲ့သည်။ ၁၉၅၂ခုနှစ် ပီကင်းတွင် ကျင်းပခဲ့သည့် အာရှပစိဖိတ်ဆိုင်ရာ ကမ္ဘာ့ငြိမ်းချမ်းရေးညီလာခံ ကြီးကိုလည်ကောင်း၊ ၁၉၅၃ခုနှစ် တွင် ဟန်ဂေရီ နိုင်ငံ ဘူဒါပက်စ်မြို့တော် တွင် ကျင်းပခဲ့သည့် ကမ္ဘာ့ငြိမ်းချမ်းရေးကွန်ဖရင့် ကိုလည်ကောင်း တက်ရောက်ခဲ့သည်။ ထို့အပြင် ၁၉၅၇ခုနှစ် သိရိလင်္ကာ နိုင်ငံ ကိုလံဘိုတွင် ကျင်းပခဲ့သည့် ကမ္ဘာ့ငြိမ်းချမ်းရေးကွန်ဖရင့်ကိုလည်း မြန်မာပြည်ကိုယ်စားလှယ် အဖွဲ့ကို ဦးဆောင်၍ တက်ရောက်ခဲ့သည်။
ဘွဲ့နှင့်ဆုအမျိုးမျိုး
ကိုလိုနီခေတ်အတွင်းက ရန်ကုန်ယူနီဗာစီတီ မြန်မာစာပါမောက္ခအဖြစ် တစ်လ၃၀၀ကျပ်အဖြင့် အမှုထမ်းရန် ကမ်းလှမ်းခဲ့သော်လည်း ငြင်းပယ်ခဲ့သည်။ တပည့်ရင်း ဖြစ်သူပြည်ထဲရေးဝန်ကြီး ဦးမေအောင်က အဂ္ဂမဟာပဏ္ဍိတ ဘွဲ့ယူရန် ပြောဆိုသော်လည်း လက်မခံခဲ့ပေ။ ထို့အပြင် ဝေလမင်းသားအား ကြိုဆိုဂုဏ်ပြုသည့် ပိုဒ်စုံရတုအား ငွေတစ်ထောင်ပေး၍ ရေးခိုင်းသော်လည်း ရန်သူကိုချီးမွမ်းထောပနာမပြုနိုင် ဟုခါးခါးသီးသီး ငြင်းဆန်ခဲ့သည်။ လွတ်လပ်ရေးရပြီးနောက် ပြည် ထောင်စုအစိုးရမှ အင်္လကာကျော်စွာ စာပေဘွဲ့ကိုပေးအပ်ခဲ့သည်။ မကြာမီပင် ကမ္ဘာ့ငြိမ်းချမ်းရေး ဆောင်ရွက်ချက်များကြောင့် ဆိုဗီယက်ယူနီယံမှ စတာလင် ငြိမ်းချမ်းရေးဆုကို အပ်နှင်းခဲ့ပြန်သည်။ တဖန် အရှေ့ဂျာမဏီမှ ဒေါက်တာဘွဲ့ချီးမြင့်ခဲ့ပြန်သည်။ သခင်ကိုယ်တော်မှိုင်းသည် အဆိုပါ ဒေါက်တာဘွဲ့အား များစွာနှစ်မြို့ခြင်း မရှိသော်လည်း နှစ်နိုင်ငံ ချစ်ကြည်ရေး သဘောအရသာ လက်ခံခဲ့သည်ဟု ဆိုသည်။
နောက်ဆုံးနေ့ရက်များ
ဗိုလ်ချုပ်ကြီးနေဝင်း၏ တော်လှန်ရေးကောင်စီ အာဏာရလာပြီး ၁၉၆၃နိုဝင်ဘာတွင် အစိုးရနှင့် တောခိုအဖွဲ့များ၏ ငြိမ်းချမ်းရေးဆွေးနွေးပွဲများ ပျက်သွားသည် သာမက နောက်တွင် ပြည်တွင်းငြိမ်းချမ်းရေးအဖွဲ့ပါ ဖျက်သိမ်းခြင်းခံရသည်။ ငြိမ်းချမ်းရေး ဆွေးနွေးပွဲများပျက်သွားချိန်မှစ၍ စိတ်ထိခိုက်ကာ အင်အားချိနဲ့ လာခဲ့သည်။ သို့သော် အဖွဲ့ဖျက်သိမ်းခံရသည့်အကြောင်းအား တပည့်၊သား၊မြေးများမှ ဖုံးဖိထားခဲ့ကြသည်။ တနေ့တွင် ကွမ်းသီးထုတ်အား ပတ်ထားသည့် သတင်းစာစက္ကူမှ ထိုသတင်းအားသိရှိသွားကာ "တိုင်းပြည်တော့ပိုဆိုးတော့မှာပဲ" ဟုဆိုပြီး အိပ်ယာထဲလဲသွားသည်။ ၁၉၆၄ ခုနှစ်ဇူလိုင်၂၂တွင် သတိမရှိတော့ပဲ ၂၃ရက်နေ့နံနက်၁နာရီ အချိန်တွင် ကွန်လွန်အနိစ္စရောက်သွား ခဲ့သည်။ ကွန်လွန်ချိန်တွင် အသက်၈၉နှစ် ရှိပြီဖြစ်သည်။
စ်ာပန
သခင်ကိုယ်တော်မှိုင်း၏ရုပ်ကလပ်ကို နေထိုင်ရာ စမ်းချောင်း၊ ချမ်းသာလမ်းရှိ နေအိမ်မှ အစိုးရဆောက်လုပ်ပေးသည့် စမ်းချောင်းပုဒမ္မာကွင်းရှိ မဏ္ဍတ် သို့ ဇူလိုင်၂၉ တွင်ရွှေ့ပြောင်းခဲ့သည်။ ထိုမဏ္ဍတ်အတွင်းတွင် သူ၏ အသုံးအဆောင်ပစ္စည်းများအား ပြခန်းသဖွယ်ပြသာထားခဲ့သည်။ နေ့လည်၂နာရီ တွင် ပုဒမ္မာကွင်းမှ ရွှေတိဂုံ ဘုရားလမ်းရှိ ကန်တော်မင်ပန်းခြံသို့ လူထုပရိတ်သတ်ထောင်ပေါင်းများစွာ လိုက်လံပို့ဆောင်ကြပြီး ဂူသွင်းမြှပ်နှံခဲ့သည်။
ဒါငါတို့ပြည့် ဒါတို့မြေတည့်
ဒို့တွေပိုင်သည် ဒိုဌာနီ၏
ဂုဏ်ရည်တင့်ကြောင်း
မီးမောင်းစာပေ ကောင်းအမွေကို
ပေးဝေစာဆို မှိုင်းကိုယ်တော်သည်
မြို့ရွှေတောင်ဖွား အဖိုးတန်သား။
